G4 City – Алматы-Қонаев автомагистралінің бойында орналасқан төрт заманауи тақырыптық аудандардан тұратын" Ақылды" қала. Бұл автомагистраль Батыс Еуропа – Батыс Қытай халықаралық дәліздері, Орталық Азия өңірлік экономикалық ынтымақтастық (ОАӨЭЫ) шеңберіндегі дәліздер, Солтүстік-Оңтүстік үшін зәкірлік нүкте болып табылады және "Жаңа Жібек жолы" стратегиялық бастамасының артықшылықтарын пайдаланады.
Жобаның негізгі мақсаттары: Қазақстан Республикасының Тәуелсіздік жылдарындағы ең өршіл жобалардың бірі – инновацияға, экспортқа және туризмге бағдарланған G4 City супер заманауи қаласын салу және 2022-2050 жылдар кезеңінде жан-жақты дамыту; жүздеген мың жұмыс орындарын құру; Қазақстанның дені сау, белсенді, білімді азаматтарының жаңа буынын қалыптастыру болып табылады; өмір сүру сапасын арттыру; демографиялық жағдайды жақсарту; адами капиталды дамытуға, сондай-ақ елдің серпінді дамуына жағдай жасау.
Дамудың ауқымды перспективаларын ескере отырып, G4 City 2,2 миллионнан астам тұрғыны бар интеграцияланған қала ретінде дамиды және 2050 жылға қарай 1,1 миллионнан астам жұмыс орны құрылады және Жаңа Жібек жолының бойында орналасқан жаңа жаһандық қаржы, экспортқа бағытталған және туристік орталық болады деп болжануда.
G4 City жобасын дамытудың стратегиялық серіктесі "Surbana Jurong Group" сингапурлық компаниясы болып табылады, ол инфрақұрылым және қала құрылысы саласында толық өмірлік циклі бар қалаларды жоспарлау, сәулет және дамыту бойынша үлкен тәжірибесі бар. 50 жыл ішінде әлемнің 30 елінде 90-нан астам жобаны жүзеге асырды. Сингапур қаласы - компанияның ең сәтті жүзеге асырылған жобасы.
G4 City жекелеген аумақтарына зәкірлік жобаларды дамытуға шетелдік инвестицияларды тарту үшін арнайы экономикалық аймақ мәртебесі берілетін болады. G4 City аумағында жоспарланған:
· экспортқа бағдарланған сауда-логистикалық орталық құру;
· шағын және орта бизнес, IT-сектор және басқа да қаржы секторлары үшін бизнес-паркті дамыту;
· жоспарланған әуежай мен теміржол тораптарының жанында орналасқан интеграцияланған өнеркәсіптік-логистикалық паркті дамыту;
· ойын-сауық және туризм орталығын құру, оның ішінде әлемдік деңгейдегі білім беру инфрақұрылымы мен медициналық туризмді дамыту;
· халықаралық және өңірлік спорттық іс-шараларды өткізудің арқасында халықаралық спорттық туризмді дамыту;
· жаңа халықаралық әуежайды дамыту және негізгі мақсатты нарықтармен әуе қатынасының деңгейін арттыру;
· қолайлы инвестициялық ахуал құру.
Gate District - Алматы қаласы мен Алматы облысының тұрғындары үшін коммерциялық және тұрғын үй орталығы ретінде қызмет ететін жаһандық қаржы-іскерлік кластер. Мұнда бағалы қағаздар, сақтандыру және банк ісін қоса алғанда, қаржы қызметтері мен капитал нарығы үшін қолайлы орта құру жолымен Қазақстан экономикасына инвестициялар тартуға арналған халықаралық қаржы орталығы орналасатын болады. Ауданда кеңселердің, банктердің және басқа қаржы институттарының шоғырлануы жоғары болады.
Golden District - білім беру және медициналық кластер ретінде орналастырылған. Зәкірлік құрамдас бөліктерге академиялық қалашық, инновациялық орталық және көп салалы ауруханалар кіреді.
Жергілікті тұрғындарға да, басқа елдерден келген туристерге де қызмет көрсететін, сондай-ақ Қызмет көрсету стандарттары мен сапасын жақсарту мақсатында халықаралық ынтымақтастық пен білім алмасуды жолға қою үшін қолжетімді бағамен жоғары сапалы медициналық қызметтерді ұсыну үшін медициналық кластер құру.
Golden District - Қазақстанның түкпір-түкпірінен және көрші елдерден студенттерді тарту мақсатында халықаралық деңгейдегі білім беру инфрақұрылымын одан әрі кеңейту үшін үлкен әлеуетке ие.
Growing District - аймақтағы экономиканың өсуін ынталандыруға мүмкіндік беретін дамыған көлік инфрақұрылымы бар әртүрлі салалар үшін экспортқа бағдарланған сауда-логистикалық орталыққа айналады.
Сұранысты қанағаттандыру үшін өңірде салалардың мынадай түрлері дамитын болады:
· азық-түлік кластері;
· химиялық кластер;
· құрылыс материалдарының кластері;
· жеңіл өнеркәсіп кластері.
Growing District жаңа интеграцияланған өнеркәсіптік және логистикалық орталығы Қытаймен шекара бойында орналасқан "Қорғас" арнайы экономикалық аймағына қосылады, бұл Орталық Азиядан Еуропаға дейінгі жолды қысқартады.
Green District - 5 сағаттық ұшу аймағында тұратын 15-тен астам елден 2 миллиардтан астам адамды қамтитын толық ауқымды отбасылық демалыс курорты.
Green District бұл жаңа туристік бағыт және барлық жас топтары үшін әртүрлі ойын-сауық түрлерін ұсынатын барлық маусымдық халықаралық туризм үшін орын болады. Интеграцияланған отбасылық курорт Қапшағай су қоймасының жағасында қызықты ойын-сауық, сәнді қонақүйлер, сауда орталықтары, гемблинг алаңы, көрме орталығы, мұражай, океанариум, тақырыптық саябақтар, F1 спорт кешені, барлық ауа-райы аквапаркі, айлақ, жануарлар әлеміне бай және басқа да орындармен орналасады. 2050 жылға қарай жаңа әуежай мен жаңа теміржол вокзалы арқылы оңай қол жеткізуге болатын интеграцияланған курорттық ойын-сауық орталығы жыл сайын 4,3 миллионнан астам туристерді тартады және Алматы мен Алматы өңірінің туристік мүмкіндіктерін толықтырады деп күтілуде.
