10.02.2025
Премьер-министр Олжас
Бектеновтің төрағалығымен «Самұрық-Қазына» ұлттық әл-ауқат қоры» АҚ директорлар
кеңесінің отырысы өтті. Президент Қасым-Жомарт Тоқаев Үкіметтің кеңейтілген
отырысында алға қойған міндеттерді ескере отырып, Қордың 2024 жылғы жұмысының
қорытындылары және оны одан әрі дамыту мәселелері қаралды.
«Самұрық-Қазына» ҰӘҚ» АҚ
басқарма төрағасы Нұрлан Жақыпов инвестициялық жобаларды іске асыру туралы
баяндады.
«Мемлекет басшысы біздің
жұмысымыздың басым бағыты ірі инфрақұрылымдық және өнеркәсіптік жобаларды,
көлік пен логистиканы дамыту, сондай-ақ цифрландыру және жасанды интеллект
болуы тиіс екенін атап өткен болатын. Үкімет еліміз үшін маңызды жобалардың
іске асырылу жағдайын бақылауда ұстайды. Мемлекеттің экономикадағы үлесін
біртіндеп азайта отырып, бірлескен инвесторларды белсенді тарту қажет», — деп
атап өтті Олжас Бектенов.
Толығырақ сілтемеде: https://primeminister.kz/news/olzhas-bektenov-samuryk-kazyna-direktorlar-kenesi-otyrysyn-otkizdi-29656