Алатау
Сити

Алатау қаласы — Алматы – Қонаев Алматы–Қонаев автомобиль магистралі бойында орналасқан, заманауи төрт тақырыптық ауданнан тұратын ақылды қала. Бұл автомобиль магистралі Батыс Еуропа – Батыс Қытай халықаралық көлік дәлізі, Орталық Азия өңірлік экономикалық ынтымақтастық (ОАӨЭЫ) шеңберіндегі дәліздер және Солтүстік – Оңтүстік бағыты сияқты стратегиялық көлік бағыттарының тоғысқан нүктесі болып табылады. Сонымен қатар қала Жаңа Жібек жолы стратегиялық бастамасының артықшылықтарын пайдалануға мүмкіндік береді.

Қаланың бас жоспарының тұжырымдамасын Surbana Jurong сингапурлық компаниясы әзірледі. Компания мастер-жоспарлау, сәулет, инфрақұрылым және қалаларды толық өмірлік циклі бойынша дамыту салаларында мол тәжірибеге ие. 50 жыл ішінде компания әлемнің 30 елінде 90-нан астам жобаны жүзеге асырды. Компанияның ең табысты жобаларының бірі – Сингапур қаласының дамуы. Осы тұжырымдама 2024 жылғы 17 мамырда бекітілген Алатау қаласының Бас жоспарының негізіне алынды.

Алатау қаласы, Алматы облысы, Бас жоспары

Алатау қаласының арнайы құқықтық режимі Қазақстан Республикасының Конституциялық заңында бекітіліп, жедел дамып келе жатқан қала үшін мемлекеттік басқару мен реттеудің ерекше моделін қалыптастырады. Бұл модель Қазақстан Республикасының Үкіметімен тікелей өзара іс-қимылды қамтамасыз етеді.
Арнайы режим инвестиция тартуға, бизнесті дамытуға және жаңа жобаларды іске асыруға қолайлы жағдайлар жасайды. Ол резиденттер үшін салықтық жеңілдіктер мен преференцияларды, шетелдік мамандарды тартудың ерекше шарттарын, жер қорын тиімді басқаруды, цифрлық активтерді дамытуға арналған арнайы мүмкіндіктерді және қаланы басқарудың бірыңғай цифрлық моделін енгізуді көздейді.
Заң сондай-ақ шетел азаматтарының Алатау қаласынан жылжымайтын мүлік сатып алу мүмкіндігін қарастырады. Мұндай сатып алудың шарттары мен тәртібі қала әкімшілігінің тиісті нормативтік құқықтық актілерімен айқындалатын болады.
Жалпы алғанда, арнайы құқықтық режим инвесторлар, бизнес және Алатаудың болашақ тұрғындары үшін жаңа мүмкіндіктер қалыптастырып, қаланың серпінді дамуы мен оның халықаралық экономикаға интеграциялануының құқықтық негізін қамтамасыз етеді.

Алатау қаласының арнайы құқықтық режимі туралы заңнама

Caspian Group – Алатау қаласын дамыту жобасының бастамашысы және жеке инвесторы болып табылады. Алатауды дамыту моделі жеке инвестицияларды белсенді тартуға негізделген. Компания қаланың қала құрылысы мен инвестициялық негізін қалыптастыруға елеулі үлес қосты. Атап айтқанда, қаланың мастер-жоспарының тұжырымдамасын сингапурлық Surbana Jurong компаниясы әзірледі.
Компания сонымен қатар бірқатар маңызды қала құрылысы және сәулет жобаларын іске асыруды қамтамасыз етті. Олардың қатарында алғашқы флагмандық якорлық жоба – Iconic Complex және Gate District бизнес-паркінің тұжырымдамалары бар. Бұл жобаларды әлемге танымал америкалық Skidmore, Owings & Merrill (SOM) сәулет бюросы әзірледі. Аталған бюро Дубайдағы Burj Khalifa ғимаратының жобасын жасаған.
Сонымен бірге көлік инфрақұрылымының ұтқырлық тұжырымдамасын италиялық MIC-HUB S.r.l. компаниясы әзірледі.
Жеке бағыт ретінде әлемдегі биік ғимараттар мен зәулім құрылыстар саласындағы жетекші компаниялардың бірі – қытайлық ірі мемлекеттік құрылыс корпорациясы CSCEC International Construction Co. Ltd компаниясын Iconic Complex жобасын және жаңа Gate District іскерлік ауданын салу әрі дамыту жобасына тарту жүзеге асырылды.
Мемлекет өз кезегінде қаланың нормативтік және инфрақұрылымдық негізін қамтамасыз етеді. Оның құрамына бас жоспар, сумен, газбен және электр энергиясымен жабдықтау схемалары, сондай-ақ автомобиль және теміржол инфрақұрылымына қосылу мүмкіндігін қамтамасыз ету кіреді.

Жобаны іске асыру ширек ғасырға есептелген. Бұл кезең инфрақұрылымның алғашқы нысандарын іске қосудан бастап, халқы екі миллионнан асатын заманауи қаланы қалыптастыруға дейінгі ауқымды даму кезеңін қамтиды.
Жобаның негізгі серіктестері
Халықаралық ынтымақтастық аясында Alatau City қаласын дамытуға Қытай, Канада және Оңтүстік Кореяның жетекші компаниялары мен технологиялық корпорациялары тартылды.
Олардың қатарында CSCEC International, Colliers, KPMG Korea, CIMC, SINOMACH, KIND, KAIST, Korea Airports Corporation, Hyundai Motor Company және Doosan Enerbility бар.
Бірлескен жобалар қаланы дамыту, инфрақұрылым, логистика, энергетика, цифрлық технологиялар, білім беру және қалалық ұтқырлықтың жаңа шешімдері сияқты стратегиялық бағыттарды қамтиды.

Alatau City