21.11.2025
Бұрынғы
сенатор, Caspian Group
компаниясы директорлар кеңесінің төрағасы Юрий Цхай Алматы облысының әкімдігіне Алатау қаласында Gate District атты жаңа
іскерлік аудан салу жобасын таныстырды. Жоба аясында іскерлік
орталықтың символдық нысаны – Iconic
Building ғимаратының құрылысы көзделген.
Алматы
облысы әкімдігінің хабарлауынша, аталған жоба бойынша үшжақты келісімге 2025
жылдың қыркүйек айында мемлекет басшыларының қатысуымен өткен Қазақстан–Қытай Іскерлік кеңесі алаңында
қол жеткізілген.
«Алатау»
арнайы экономикалық аймағының ресми сайтында жарияланған мәліметке сәйкес, Gate District аумағы Өтеген
батыр, Покровка, Қоянқұс, Ынтымақ және Жаңалық елді мекендерінің арасында
орналасады. Бұл жерде қаржы
орталығын салу жоспарланған.
Жаңа
іскерлік аудан бизнесті жүргізуге арналған ерекше жағдайларымен ерекшеленеді. Атап
айтқанда, мұнда: корпоративтік
табыс салығы (КТС), жеке
табыс салығы (ЖТС), жер
салығы, мүлік
салығы
бойынша нөлдік
мөлшерлемелер қолданылатын болады.
Іскерлік
орталық толық
инфрақұрылымы бар А санатындағы бизнес-орталықтар кешені
ретінде салынады. Сонымен қатар, аудан аумағында қонақ үйлер мен сауда-ойын-сауық
орталықтары (СОО) бой көтеріп, қала тұрғындары мен қонақтарының
бос уақытын тиімді өткізуіне жағдай жасалады.
2025
жылдың қыркүйек айының соңында Үкіметте өткен жиында Gate District жобасының өзегіне
International Business Development Center – Iconic Building-1
айналатыны хабарланған болатын. Қанат
Бозымбаев тиісті мемлекеттік органдар мен инвесторға Alatau City жобасының басталуын
білдіретін символдық нысан болатын бұл ғимараттың құрылысын жеделдетуді
тапсырды.
Толығырақ
сілтеме бойынша: https://kz.kursiv.media/2025-11-21/zhzh-gate-district-iconic-building/?utm_campaign=endless_feed