Жобаның Еуропадағы роуд-шоуы халықаралық инвесторлармен, банктермен және қаржы институттарымен келіссөздерден басталды
Лондонда Alatau City Investment Roundtable инвестициялық дөңгелек үстелі өтіп, оның аясында халықаралық серіктестермен жалпы инвестициялық әлеуеті 1,3 млрд АҚШ долларын құрайтын тоғыз келісімге қол қойылды. Іс-шараға 70-тен астам компанияның, инвестициялық қордың, банктің және сарапшылық ұйымның өкілдері қатысты. Бұл кездесу Алатау қаласын дамытуға халықаралық капитал тартуға бағытталған Еуропадағы роуд-шоудың алғашқы кезеңі болды.
Іс-шара барысында қатысушыларға Alatau City қаласын дамыту тұжырымдамасы, оның инвестициялық мүмкіндіктері, перспективалы инфрақұрылымдық жобалары және оларды іске асыруға шетелдік капиталды тарту тетіктері таныстырылды.
Alatau City қаласының құқықтық моделіне ерекше назар аударылды. 2026 жылғы 8 мамырдағы Конституциялық заңмен бекітілген арнайы құқықтық режим Англия мен Уэльс құқығының қағидаттарын қолдануды, инвестицияларды қорғаудың заманауи тетіктерін енгізуді және болжамды әрі тұрақты іскерлік орта қалыптастыруды көздейді.
Сарапшылық сессияға Norton Rose Fulbright, Reed Smith және Boies Schiller Flexner халықаралық заң фирмаларының өкілдері қатысты. Олар инвестиция тартудың құқықтық тетіктерін, мемлекеттік-жекешелік әріптестік мәселелерін, халықаралық төрелікті, цифрлық активтерді реттеуді және коммерциялық дауларды шешу жолдарын талқылады.
Сонымен қатар қатысушылар ағылшын құқығының қағидаттарын қолданатын Alatau City мамандандырылған инвестициялық сотын құру перспективаларын қарастырды.
Инвестициялық роуд-шоу Ұлыбританияның мемлекеттік құрылымдары, қаржы институттары және стратегиялық серіктестері өкілдерімен келіссөздер арқылы жалғасады. Еуропалық бағдарламаның келесі кезеңі Германияда өтетін инвестициялық кездесулер болмақ.
Толығырақ сілтеме бойынша: https://forbes.kz/articles/s-alatau-city-podpisali-vlondone-devyat-soglasheniy-na13mlrd/amp