Alatau City қаласының Еуропадағы инвестициялық роуд-шоуы басталды. Лондонда Alatau City Investment Roundtable инвестициялық дөңгелек үстелі өтті.
«Біз роуд-шоуды әлемдегі жетекші қаржы және құқық орталықтарының бірі – Лондоннан кездейсоқ бастап отырған жоқпыз», – Қанат Бозымбаев, Қазақстан Республикасы Премьер-Министрінің орынбасары.
70-тен астам қатысушы - іс-шараға компаниялардың, инвестициялық қорлардың, банктер мен сарапшылық ұйымдардың өкілдері қатысты. Олардың қатарында JPMorgan Chase, AstraZeneca, BP және Brookfield Asset Management бар.
Alatau City Authority өкілдері қаланы дамытудың негізгі бағыттарына, атап айтқанда, инженерлік және көлік инфрақұрылымына, өнеркәсіптік, іскерлік және логистикалық аймақтарға ерекше назар аударды. Халықаралық Arup компаниясы қаланы кеңістіктік жоспарлау тәсілдері туралы баяндады. Бәйтерек ұлттық инвестициялық холдингі жобаларды қаржыландыру құралдарын таныстырды.
Лондон қор биржасы, Brookfield Asset Management, Société Générale, J.P. Morgan және Еуропалық қайта құру және даму банкі өкілдерімен кездесулер өткізілді.
9 келісім - келісімдердің жалпы инвестициялық әлеуеті 1,3 млрд АҚШ долларын құрайды.
Қол жеткізілген уағдаластықтар мынадай бағыттарды қамтиды:
• инфрақұрылымдық және инвестициялық жобаларды қаржыландыру;
• білім беру және медициналық инфрақұрылымды дамыту;
• халықаралық ынтымақтастықты кеңейту.
Атап айтқанда, University of Exeter, Brighton College және Repton Group ұйымдарымен бірлесіп білім беру мекемелерін құру мүмкіндіктерін пысықтау көзделген.
AstraZeneca және Crescent Meditours компанияларымен медициналық инфрақұрылымды дамыту және ғылыми тәжірибе алмасу мәселелері талқылануда.
Инвестициялық роуд-шоу Ұлыбританияның мемлекеттік құрылымдары мен қаржы институттарының өкілдерімен кездесулер арқылы жалғасады. Одан кейін роуд-шоудың келесі кезеңі Германияда өтеді.
Дереккөзге сілтеме: https://www.instagram.com/p/DfRtEWjjilz/?img_index=1&psln=cHNkaWw1eTcwY2d4